Ол медицина саласында 30 жыл еңбек етіп келеді, деп хабарлайды @Pavlodarnews.kz тілшісі.

Людмила Титоренко – №1 Павлодар қалалық ауруханасы неврологиялық бөлімшесінің меңгерушісі.

Ақ желеңді еңбек жолын цереброваскулярлық бұзылулар бөлімінде 1990 жалынан бастап, өмірінің 30 жылын медицина саласына арнаған. Кейін неврология бөліміне ауысқан.

Павлодар облысының неврологиялық қауымы оның жұмысын жоғары бағалаған. Людмила Титоренко «Аймақтағы үздік невролог» номинациясына ұсынылғанда барлық аймақтық әріптестері оны қолдап, өз дауыстарын берген. Нәтижесінде Павлодар облысының үздік дәрігері атағына ие болып, 1 желтоқсан Халықаралық невропатолог күнінде марапатын алды.

– Шынымды айтсам, бұл атақты ертерек аламын деп ойлағанмын, бірақ биыл аламын деп күтпедім. Менің аты-жөнімді жариялағанда қатты толқыдым. Барлығы маған шапалақтап, қолдау көрсетті. Өңірдегі невропатолог дәрігерлердің маған осындай көңіл бөліп, түсіністік танытқанына өте қуаныштымын. Бұл марапат жыл сайын әртүрлі саладағы дәрігерлерге берілетіндіктен, неврологтарда қалсын деп тіледім, – деді дәрігер.

Людмила Титоренко ауруханада және реанимация бөлімінде науқастарға консультация жүргізіп, қалалық аурухананың реанимация бөлімінде консилиумдарға қатысады, науқастарды бөлімшеде қабылдайды. Людмиланың жұмыс ауқымы кең, ол қаладағы барлық невропатологтармен, емханалар, ауруханалар, аудандық және жергілікті ауруханалардың невропатологтарымен күн сайын байланыста.

Жылдан-жылға №1 қалалық аурухананың неврология бөлімінен 110-нан 120-ға дейін науқас өтеді. Дәрігер склероз, миастения, Гийен-Барре синдромы, менингит, энцефалит, төменгі арқадағы ауырсыну, жатыр мойнының ауырсынуы, шығыңқы және грыжамен ауыратын науқастарды қабылдайды. Емдеу кезінде неврологтар нейрохирургтермен тығыз байланыста жұмыс істейді.

– Менің тәжірибемдегі ең қиын науқастар полиневритпен ауыратындар – қолдары мен аяқтары сал ауруына шалдыққандар болды. Бұл вирустық инфекциялардан кейін, мысалы, ковидтен кейін болуы мүмкін. Қысқа мерзімде аяғына тұратын да, ішінара емделген науқастарымыз бар, – деп атап өтті невролог.

Людмила Титоренконың жұмысын жалғастырып жатқан шәкірттері көп. Мәселен, қазірдің өзінде оның оқушылардың бірі облыстық неврология бөлімшесінің меңгерушісі болып жұмыс істейді. Шәкірттердің көбі онымен бір ауруханада табысты еңбек етуде.

– Мен мұнда 2020 жылдан бері жұмыс істеймін. Людмила – менің қолыма неврологиялық балға ұстауды үйреткен алғашқы тәлімгерім. Шәкірттерін үнемі қолдап, қиын сәтте қол ұшын беріп отыратын керемет адам, – дейді бұрынғы шәкірті, невролог Назерке Ерланова.

Людмила Титоренконың айтуынша, дәрігер болу үшін тек бейімділік қана жеткіліксіз. Нағыз дәрігер болу үшін адамдарға көмектесуді жақсы көру, жанашырлық таныта білу керек. Сонда осы қасиеттермен бірге кәсібилік те келеді.

Айта кетейік, Людмила Титоренко – «Қазақстан Республикасы денсаулық сақтау ісінің үздігі» жоғары республикалық марапатының иесі.