Агроөнеркәсіптік кешенде мемлекеттік қолдаудың негізгі шаралары ретінде субсидиялау және жеңілдетілген несиелендіру қалады, деп хабарлайды  @Pavlodarnews.kz тілшісі.

Субсидиялау

АПК-нің негізгі бағыттарын қолдау мақсатында келесі бағыттар бойынша субсидиялар беріледі:

Өсімдік шаруашылығы — тұқым, тыңайтқыш, су жеткізу және пестицидтерге кеткен шығындарды өтеу;

Мал шаруашылығы — өнімді және асыл тұқымды мал басын сатып алуға жұмсалған шығындарды өтеу;

Өңдеу саласы — өндірістерді жаңғырту, қуаттарды кеңейту және терең өңдеу жобаларына субсидия;

Қаржы құралдары — несие бойынша сыйақы мөлшерлемелерін субсидиялау және ауыл шаруашылығы саласындағы техникалар, жабдықтар сатып алу мен құрылыс жобалары бойынша инвестициялық субсидиялар.

Төмендетілген пайыздық мөлшерлемен жеңілдетілген несиелендіру келесі бағдармаларда қолжетімді:

«Кең Дала»,  «Кең Дала 2» — көктемгі дала жұмыстарын жүргізуге арналған несиелер, мөлшерлемесі — 5%;

«Агробизнес», іскерлік бизнес қаржыландыруға арналған әмбебап бағдарламалар, мөлшерлемесі — 6%

«ҚазАгроҚаржы» АҚ — ауыл шаруашылығы техникасын 5% мөлшерлемесі лизингке алу.

Биыл 2024 жылға бұрын жасалған күту парақтары бойынша барлық міндеттемелер орындалды.

Төлемдер келесі бағыттар бойынша жүргізілді:

• тұқым, тыңайтқыш, пестицид, суармалы суға арналған субсидиялар;

• мал шаруашылығын қолдау;

• инвестициялық субсидиялау;

• сыйақы мөлшерлемесін субсидиялау.