5 желтоқсаннан бастап асыл тұқымды мал шаруашылығын субсидиялау қағидаларына енгізілген өзгерістер күшіне енеді, деп хабарлайды @Pavlodarnews.kz.

Инвестицияларды тарту және бизнесті дамыту бойынша Павлодар облысы әкімінің орынбасары Айгерім Қабылтаева министрлік асыл тұқымды мал сатып алуға арналған субсидия нормаларын ұлғайтқанын хабарлады. 

ІҚМ етті бағыт бойынша отандық асыл тұқымды бұқа 260 мыңға дейін, аналық мал: отандық 260 мың, ТМД – 390 мың, Еуропа/АҚШ-тан 525 мың тг дейін ұлғайтылды.

ІҚМ сүтті бағытта отандық сиырлар – 350 мың , ТМД – 390 мың, Еуропа/АҚШ – 700 мың теңгеге көтерілді. 

Қой шаруашылығы бойынша отандық қой 26 мыңға дейін, импорттық қой 52 мыңға дейін, асыл тұқымды қошқарлар 260 мыңға дейін ұлғайтылды. 

Жылқы шаруашылығы: асыл тұқымды айғыр – 175 мыңға дейін.

Түйе шаруашылығы: түйелер – 175 мыңға дейін.

Ешкі шаруашылығы: асыл тұқымды ешкі – 70 мыңға дейін.

Субсидия мөлшері – сатып алу құнының 50 пайызына дейін, бірақ бекітілген нормативтен аспайды. Асыл тұқымды бұқа ұрығын сатып алуға да – 50 пайызға дейін, норматив шегінде қолданылады.

Мал азығын субсидиялау талабы сақталады. Атап айтқанда, субсидия тек төтенше жағдай немесе қалыптан тыс ауа райы кезінде беріледі.