ҚР ІІМ түнде жылдамдықтың шектелуі туралы хабарламаның фейк екенін мәлімдеді
Ішкі істер органдары тексерілмеген хабарламаларға сенбеуді сұрайды, деп хабарлайды @Pavlodarnews.kz.
«00:00-ден кейін рұқсат етілген жылдамдық 66 км/сағ болатыны» жөнінде таралып жатқан хабарлама фейк. Мұндай өзгерістер енгізілген жоқ.
– Ресми ақпаратқа жүгініңіздер. Жол жүрісі қағидаларын сақтап, мұқият болыңыздар! – деді ҚР ІІМ баспасөз қызметінде.
Елді мекендерде жеңіл автокөліктер үшін рұқсат етілген стандартты жылдамдық - 60 км/сағат. Камералар жылдамдықты 70 км/сағ және одан жоғары болған кезде ғана тіркей бастайды.
