Тұрғындар өз мәселелерін облыс орталығы басшысы мен ауылдық округ әкімдеріне тікелей жеткізе алады, деп хабарлайды @Pavlodarnews.kz тілшісі.

Қала әкімдігі баспасөз қызметінің мәліметінше, ҚР Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, қала басшысы Хасар Хабылбеков пен Павлодар қаласының ауылдық округтері әкімдерінің тұрғындармен тұрақты кездесулері өтеді.

Кездесулер 2025 жылдың 3 желтоқсаны мен 12 желтоқсаны аралығында жоспарланған. Бұл жиындарда қатысушылар ауылдық округтер мен кенттерді дамытуға қатысты өзекті мәселелерді талқылайды.

Кездесулердің толық кестесі:

• 3 желтоқсан, сағат 11:00–13:00 – Мойылды ауылы, Мектеп көшесі, 5 мекенжайы бойынша Мәдениет үйінде;
• 5 желтоқсан, сағат 11:00–13:00 – Павлодар ауылы, Садовая көшесі, 5 мекенжайы бойынша Мәдениет үйінде;
• 10 желтоқсан, сағат 11:00–13:00 – Атамекен кенті, Сарыарқа көшесі, 53/1 мекенжайы бойынша Жаяу Мұса атындағы Мәдениет үйінде;
• 12 желтоқсан, сағат 11:00–13:00 – Кенжекөл ауылы, Ата Заң алаңы, 3/2 мекенжайы бойынша Мәдениет үйінде.