«Тәуелсіздік ұрпақтары» грантын беру жөніндегі конкурсқа құжаттарды қабылдау басталды, деп хабарлайды  @Pavlodarnews.kz тілшісі.

Қазақстан Республикасының Мәдениет және ақпарат министрлігі жастардың жаңа және қолданыстағы бастамаларын мемлекеттік қолдау мақсатында конкурстың басталғаны туралы хабарлайды. Ағымдағы жылдың соңына дейін республикалық деңгейде 3 млн теңгеден  30 грант беру жоспарлануда.

– Грант беру тәртібін жетілдіру мақсатында «Тәуелсіздік ұрпақтары» грантын беру қағидаларына бірқатар өзгерістер мен толықтырулар енгізілді, оның ішінде еліміздегі волонтерлік саланы қолдау мақсатында грант бағыттарының тізбесінде қосымша волонтерлік көзделген, – деп жазылған хабарламада. 

Грант туралы хабарландыру министрліктің ресми сайтында орналастырылған.

Аталған конкурсқа өтінімдер ұсыну 2024 жылдың 5 тамызынан бастап 6 қазан аралығында жүргізіледі. 

Барлық сұрақтар бойынша 74-12-78, 8 702 000 88 12 телефон нөмірлеріне ( Ұ.Жүсіпбекова) хабарласуға болады.