Республика күніне орай павлодарлықтар үшін «МУЗАРТ» тобы мен ALEM өнер көрсетеді
Шаһар тұрғындары мен қонақтарын әсерлі концерт пен көтеріңкі көңіл күй күтіп тұр, деп хабарлайды @Pavlodarnews.kz тілшісі.
Мерекелік шара 25 қазан күні сағат 11:00-де Конституция алаңында өтеді. Көрермендерге қазақстандық эстрада жұлдыздары – әйгілі «МУЗАРТ» және «KESHYOU» топтары, сондай-ақ танымал орындаушылар AMRE мен ALEM тамаша әндерін тарту етеді.
Ұйымдастырушылар мереке күні павлодарлықтарға қуаныш пен шаттық сыйлап, елге деген мақтаныш сезімін оятатын ерекше атмосфера қалыптастыруды көздеп отыр.
