«Таза Қазақстан» республикалық экологиялық акциясы аясында «Шырша жануарларға көмектеседі!» табиғатты қорғау шарасы өтеді, деп хабарлайды @Pavlodarnews.kz тілшісі.

Қалалық ішкі саясат бөлімі баспасөз қызметінің мәліметінше, қала тұрғындары бұл акцияға 15-31 қаңтар аралығында қатыса алады.

– Пайдаланылған шыршалардың бұтақтары мен инелері «Ертіс өзенінің жайылмасы» қорығындағы жабайы жануарларға жем мен төсеніш ретінде пайдаланылады. Ал ағаштың діңгегі «Дом приют Надежд» баспанасын жылыту үшін отын ретінде жаратылады, – дейді ұйымдастырушылар.

Шыршаларды мына мекенжайларға әкеліп тапсыруға болады:

• «Квазар» сауда үйінің алдындағы шырша базары;
• Қамзин – Ломов көшелерінің қиылысындағы «Дөңгелек жөндеу» аумағы;
• Ворушин көшесі, 92 мекенжайы бойынша орналасқан қалалық ормандарды және жануарлар дүниесін қорғау мекемесі (сағат 11:00-ден 15:00-ге дейін).