48 мыңға жуық павлодарлық зиянды еңбек жағдайында еңбек етеді, деп хабарлайды @Pavlodarnews.kz тілшісі.

Өндірісте жеті жыл жұмыс істегеннен кейін азаматтар басқа жұмысқа кетіп, зейнетақы төлемдерін ала алады. Бұл туралы «Бірыңғай ұлттық зейнетақы қоры» АҚ директоры Владимир Питраков мәлімдеді.

– Егер қызметкер жеті жыл бойы зиянды жағдайда жұмыс істеп, денсаулығында ақаулар туындай бастаса, ол зияндылығы аз жұмыс таба алады немесе мүлдем жұмыстан шығып, үйде отыра алады. Өйткені 200-300 мың теңге көлеміндегі жәрдемақы жеткілікті болады. Көбі осылай жасайды, – деді Владимир Питраков.

ҚР Президентінің тапсырмасы бойынша биылғы жылдан бастап зиянды өндірістерде жұмыс істейтіндерге мемлекеттік арнайы жәрдемақы енгізілді. Республикалық бюджеттен ай сайынғы есептеу екі ең төменгі күнкөріс минимумы, яғни 86 мың теңгені құрайды. Оған қоса, ең төменгі күнкөріс минимумның бір мөлшерін, яғни 43 407 теңге жұмыс беруші төлеуі тиіс. Сонымен қатар, сақтандыру компаниясы да ақша төлейді. Осындай төлемдерді алу үшін қызметкер жұмыс беруші арқылы мемлекеттік жәрдемақы алуға өтініш беруі керек. Сонымен жәрдемақы сомасы айына 200-300 мың теңгеге дейін шығады.

Мұндай жәрдемақы халық арасында «зейнетақыға дейінгі төлемдер» деп аталады. Павлодар облысында жәрдемақы алуға небәрі 1100 адам тіркелген. Ал өндірісте жұмыс істеген 240-қа жуық адам екі көзден мемлекеттік төлемдерді алып, жұмыстан кеткен.

Сонымен қатар, оларға негізгі зейнетақы шотынан да, жұмыс берушіден бес пайыз зиян келген жерден де ақша алуға рұқсат етілген.