Қандастар мен қоныс аударушыларды қабылдау квотасының көлемі өзгеруі ықтимал, деп хабарлайды ҚазАқпарат тілшісі.

Ашық НҚА порталында жарияланған бұйрықта жазылғандай, қандастар мен қоныс аударушыларға арналған квота былай өзгереді:

- қандастарды қабылдаудың 2023 жылға арналған өңірлік квота саны 2 287 адам (бұрын 1 925 адам);

- қоныс аударушыларды қабылдаудың 2023 жылға арналған өңірлік квота саны 6 592 адам (бұрын 6 727 адам).

«Аталған жобаны қабылдаудың мақсаты – жергілікті атқарушы органдарының қажеттілігіне байланысты қандастар мен қоныс аударушыларды қабылдаудың 2023 жылға арналған өңірлік квотасын қайта бөлу. Бұйрық жобасын қабылдау теріс әлеуметтік-экономикалық және/немесе құқықтық салдарға әкеп соқпайды», - деп түсіндірме берілген Еңбек және халықты әлеуметтік қорғау вице-министрінің бұйрық-жобасына.

Құжат 15 қыркүйекке дейін көпшілік талқылауда болады.

Қоса кетсек, 16 тамыздағы жағдайға сәйкес, қандастарды қабылдау квотасы 87%-ға, қоныс аударушыларды қабылдау бойынша 58%-ға орындалды.