Көпшілік туған-туыстарының орнына дауыс беруге, кабинкаға екі-екіден кіруге тырысқан, деп хабарлайды @Pavlodarnews.kz тілшісі.

6 қазанда атом электр стансасын салу бойынша референдум өтті. Еліміздегі барлық референдум учаскелерінде дауыс беру барысын бақылауға «Дауыс» коалициясының байқаушылары қатысты. Барлығы 9,5 мыңға жуық аумақ қамтылды.

Әр учаскеде коалициядан бір-бір байқаушыдан болған.

Байқаушылардың баяндамалары бойынша, халық референдумға белсенді қатысты.

– Аймақтық комиссиялардың мониторингі кезінде өрескел бұзушылықтар болмағанын айта кету керек. Бірақ комиссиялардың жұмысы, сайлаушылар мен байқаушылардың сайлау учаскелеріндегі тәртібі туралы ескертулер бар, – деп түсіндірді коалицияда.

Нақтырақ айтатын болсақ, кабинаға екі немесе одан да көп адамға кіруге рұқсат ету, келмеген туыстарының орнына дауыс беру сияқты бұзушылықтар тіркелді. Сондай-ақ жеті облыстың референдум учаскелерінде үгіт-насихат жұмыстары  жүргізілген.

Кейбір сайлау учаскелерінде байқаушылар сайлау комиссиясы мүшелерінің сайлаушының аты-жөнін тіркемес бұрын бюллетеньге қол қойған. Кейбір адамдар дауыс беру кабиналары мен қатысушылардың тізімдерін суретке түсіргісі келген.  

Байқаушылар барлық фактілер бойынша сай әрекет етіп, референдум комиссияларының төрағаларына шағымдарын жолдады.

Барлық бұзушылық туралы жазбаша есеп сауалнама жүргізілгеннен кейін ғана дайын болады.