Бейжіңде роботтар тағы да адамдармен бәсекеге түседі. Ерекше жартылай марафон 19 сәуірде өтеді, деп хабарлайды ҚазАқпарат SCMP-ге сілтеме жасап.

Ичжуандағы іс-шараны ұйымдастырушылар адам тәрізді роботтар қатысатын екінші марафонның өтетінін растады. Өткен жылдағыдай, адамдар мен роботтар өзара жарысады.

Жарыстың басталуы 19 сәуірге жоспарланған, ол Beijing E-Town технологиялық кластерінде өтеді. Қатысушылар бір уақытта жүгірісті бастайды, мәре сызығы Наньхайцзы паркі аумағында орналасады.

Жарысқа 100 шақты технологиялық компаниялар мен университеттерден құралған командалардың 300-ден астам роботы қатысады. Олардың қатарында Гонконгтан келген команда да бар.

Мұндай ерекше формат спорт пен технологияны біріктіріп, робототехниканың дамуын және оның қоғамдық өмірге интеграциясын көрсетеді.

Айта кетейік, Қытай мамандандырылған робототехниканы модельденген интеллект деңгейіне көтермек.

Желінің флагманы — электромагниттерді пайдаланып тік қабырғаларда шарлайтын 90 килограммдық альпинистік робот. Құрылғы лезде жауап беретін VR интерфейсі немесе жасанды интеллект жүйесі арқылы басқарылады. Бұл технология мамандарға кеңседен биік таулы жұмыстарды қауіпсіз орындауға мүмкіндік береді.

Бұған дейін Алматы мектептерінде роботтандырылған мониторинг кешені сынақтан өткізіліп жатқаны туралы жаздық.