Соңғы шешім кейінірек белгілі болады, деп хабарлайды @Pavlodarnews.kz.

Достық үйінде Қазақстан халқы Ассамблеясы кеңесінің кезекті отырысы өтті. Кездесуге қатысушылар ҚХА-ның алдағы сессиясындағы күн тәртібін талқылап, бірнеше ұйымдастырушылық мәселелерді шешті.

Облыстық ақпарат және қоғамдық даму басқармасының басшысы Әзілхан Әбеуов этносаралық тұрақтылық ел үшін өте маңызды екенін еске салды.

– Әлемдегі жағдай өте күрделі, мемлекеттер арасында қарулы қақтығыстар өршіп тұр, – деді ведомство басшысы. – Мұның бәрі Қазақстанға кері әсерін тигізеді, бірақ біздің мемлекетіміз бірлік пен ұйымшылдықты сақтайтын болады.

Бұл ретте Әзілхан Әбеуов Павлодар облысының ҚХА үлкен рөл атқарады деп есептейді.

Кездесуде облыс әкімі төрағалық ететін ҚХА қоғамдық орынбасарлары лауазымына жаңа кандидаттар ұсынылды. Үш жыл бойы бұл жұмысты екі ЭМБ – тәжік және болгар «Здравец» басшылары Хусейн Гулов пен Валентина Шатова атқарды. Оларды ҚХА ақсақалдар кеңесінің төрағасы Идият Әбдіқалықов, сондай-ақ «Жастар Ассамблеясы» облыстық өкілдігінің төрағасы Рамиль Смайылов алмастыра алады. 

– ҚХА төрағасының қоғамдық көмекшілері лауазымына «Ақсақалдар алаңы» кеңесінің төрағасы мен жастар өкілін ұсынғаны ҚХА-дағы сабақтастық туралы айтады. Егер менің кандидатурам бекітілсе, мен әріптестерімнің сенімін ақтауға бар күшімді саламын, – деді Рамиль Смайылов.

ҚХА-ның алдағы сессиясында бұл лауазымдарды кім атқаратыны белгілі болады.