Павлодар көшелерінде еріген суды сорғызып шығару басталды
Маусымдық жұмыстарға тәулік бойы 30 ассенизатор мен 8 мотопомпа жұмылдырылған, деп хабарлайды @Pavlodarnews.kz тілшісі.
Қала әкімі өзінің ресми «Instagram» парақшасында мәлімдегендей, көшелер және аула аумақтарымен қатар коммуналдық қызметтер жеке секторда су сорғызу жұмыстарын жүргізуде. Бұл көктемгі жылыну мен қардың еруіне байланысты су тасқынының алдын алу үшін жасалуда.
Тұрғын үй коммуналдық шаруашылық бөлімі еріген су жиналатын аумақтарға күнделікті мониторинг жүргізеді.
Сондай-ақ, қала тұрғындары су сорғызу мәселесі бойынша Хасар Хабылбековтың «Instagram» желісінде direct-ке жазу арқылы хабарласа алады. Өтініштер жұмысқа алуға жіберіледі.
Посмотреть эту публикацию в Instagram
