Павлодар облысында екі тұрғын іздестірілуде
Екеуі де шілде айында із-түссіз жоғалған, деп хабарлайды @Pavlodarnews.kz тілшісі.
Павлодар қаласы мен Шарбақты ауданында екі адам – қария мен әйелді іздестіру жалғасуда. «Vita» іздеу жасағы облыс тұрғындарынан көмек көрсетуді өтінеді.
Посмотреть эту публикацию в Instagram
Шілде айында 1954 жылы туған Капрола Базарбаев өз үйінен шығып, қайта оралмаған. Ол «Берёзка» бау-бақша қоғамындағы Яблоневая көшесінде тұрған. Содан бері оның қайда екені белгісіз.
Белгілері: орта бойлы, дене бітімі орташа, шашы ақшыл. Сол көзі жоқ, құлағы нашар естиді, жүрісі баяу, аяғын сүйрете басады.
Киімі: шамамен қара түсті кофта, қара шалбар және галош киген.
Посмотреть эту публикацию в Instagram
Сонымен қатар, 1976 жылы туған Ильвира Гаянова 20 шілдеден бері байланысқа шықпаған. Ол Рождественка ауылында, Садовая көшесінде тұрған.
Белгілері: бойы шамамен 160 см, арықша, шашы қысқа, қызғылт түске боялған. Мұрынның сол жағында мең бар.
Киімі: белгісіз.
Жоғалғандар туралы қандай да бір ақпараты бар адамдардан +7 747 615 55 68 (Екатерина), +7 777 334 82 01 (Светлана) нөмірлеріне немесе 102 нөміріне хабарласу сұралады.
