Тексеру қорытындысы бойынша арнаның жай-күйін бақылауды күшейту бойынша ұсынымдар жасалды, деп хабарлайды  @Pavlodarnews.kz тілшісі. 

Павлодар облысы ТЖ департаменті Ертіс бассейндік инспекциясымен бірлесіп, Қ.Сәтбаев атындағы арнадағы гидротехникалық құрылыстарға көшпелі тексеру жүргізілді. 

– Мамандар инспекция барысында бөгеттерге, шлюздерге және гидротехникалық инфрақұрылымның басқа элементтеріне көзбен шолып, тексеру жүргізді. Эрозияға және құрылымдардың тұтастығын бұзуға ықтимал зақымдарға ерекше назар аударылды, – дейді департаментте. 

Сонымен қатар, құрылыстардың өткізу қабілеті мен тасқын суларды қабылдауға дайындығы бағаланып, су деңгейі де тексерілді.

Облыстың ТЖД өңірдегі гидротехникалық объектілердің мониторингі жалғасуда. Аталмыш жұмыс халықты көктемгі су тасқыны салдарынан қорғауға бағытталған.