Егер салық төлеуші басқа режимді таңдай отырып, қолданылатын режим туралы хабарландыру берген жағдайда есептен шығару жүргізілмейді, деп хабарлайды @Pavlodarnews.kz.

2026 жылғы 1 қаңтардан бастап Қазақстанда үш арнайы салық режимін көздейтін жаңа Салық кодексі күшіне енді: шаруа және фермер қожалықтары үшін, оңайлатылған декларация негізінде және өзін-өзі жұмыспен қамтығандар үшін. Бұл туралы Үкіметтің баспасөз қызметі хабарлады.

Шаруа және фермер қожалықтары үшін 2026 жылғы 1 наурызға дейін автоматты түрде көшу көзделгені, хабарландыру беру талап етілмейтіні атап өтілді.

Оңайлатылған декларация негізінде салық режимін таңдау кезінде кәсіпкерлерге 2026 жылғы 1 наурызға дейін қолданылатын салық салу режимі туралы хабарландыру беру қажет. Егер хабарлама көрсетілген мерзімде берілмесе, салық төлеушілер 2026 жылғы 1 қаңтардан бастап автоматты түрде жалпыға бірдей белгіленген салық салу тәртібіне ауыстырылады.

Хабарландыруды келесі жолдармен жіберуге болады:

• Салық төлеушінің кабинетінде (БСЭЖ АЖ «Құжаттарды тапсыру» бөлімінде – «Қолданылатын салық салу режимі туралы хабарландыру»);

• «E-Salyq Business» арнайы мобильді қосымшасында («сервис» – «ЖК салық режимін өзгерту»);

• Қағаз жүзінде орналасқан жері бойынша Мемлекеттік кіріс департаментінде;

• Банктер қосымшаларында (бүгінгі күні сервис Kaspi Bank қосымшасында «мемлекеттік қызметтер» – «ЖК деректемелері мен салық режимін өзгерту» бөлімінде қолжетімді).

Бұдан басқа, 2026 жылғы 1 наурыздан бастап салық органдары патент негізінде арнайы салық режимін немесе арнайы мобильді қосымшаны пайдалана отырып, 2025 жылы салық режимін қолданған салық төлеушілерді ЖК ретінде есептен автоматты түрде алып тастайды.

Есептен шығару күні 2026 жылғы 1 қаңтар болып танылады, бұл ретте есептен шығаруға өтінішті өз бетінше беру құқығы сақталады.

Бұл ретте E-Salyq Business мобильдік қосымшасында бірінші чекті қалыптастыру күні өзін-өзі жұмыспен қамтығандар үшін арнайы салық режимін қолданудың басталу күні болып танылады.