Құтырмаға қарсы вакцинация тегін, деп хабарлайды @Pavlodarnews.kz.

28 қыркүйек – Дүниежүзілік құтырмаға қарсы күрес күні қарсаңында құтырма ауруының алдын алу шаралары туралы халықтың хабардарлығын арттыру мақсатында облыста 1 қазанға дейін «Абайлаңыз, құтырма!» акциясы жарияланды.

– Құтырма – бұл орталық жүйке жүйесінің зақымдануымен сипатталатын және профилактикалық вакцинация болмаған кезде ауру өліммен аяқталатын адамдар мен жануарлардың ауыр инфекциялық, табиғи-ошақты ауруы, – деді облыстық санитариялық-эпидемиологиялық бақылау департаментінде.

Құтырма вирусы адам ағзасына ауру жануарлардың, мысалы үй, ауылшаруашылық, жабайы жыртқыштар, жарқанаттар мен кеміргіштердің шағуы, тырнауы, терісі мен шырышты қабығының сілекейі арқылы енеді.

2025 жылдың 8 айында медициналық ұйымдарға құтырмаға қарсы вакцинация курсын алу үшін 1842 өтініш білдірілді. Барлығына құтырмаға қарсы екпе тағайындалды.

Құтырманың алдын алу үшін жануарлардың шағуынан зардап шеккендердің барлығы дереу дәрігерге қаралуы керек, өйткені адамға жануарларға келтірілген кез-келген жарақат құтырма вирусын жұқтыруы мүмкін деп есептелуі керек. Зардап шеккендерге алғашқы медициналық көмекті травматологиялық пункттер мен емханалар көрсетеді. Дәрігер тағайындаған құтырмаға қарсы емдік-профилактикалық иммундауды толық және үзіліссіз алу қажет. Құтырмаға қарсы вакцинация тегін. Жануарларды ешбір жағдайда өлтіруге болмайды, сондықтан оларды ветеринарлар бақылайды: жануарлар оқшаулануға және бақылауға жатады.

Медициналық тәжірибеде асқынулар тудырмайтын және иммунитеттің жоғары деңгейін тудыратын антирабиялық вакцина қолданылады.