Жарты ғасыр бойы станция бір түтін мұржасымен жұмыс істеді, деп хабарлайды @Pavlodarnews.kz тілшісі.

«ПАВЛОДАРЭНЕРГО» АҚ баспасөз қызметінің мәліметінше, магистральдық газ арналары бар жаңа темірбетон құбырының іске қосылуы № 3, 5 және 6 қазан агрегаттарын жобалық жұмыс схемасына ауыстыруға мүмкіндік берді.

Құбырдың құрылысы 2018 жылы басталған. Одан кейін инвестициялық бағдарлама аясында №2 мұржаның іргетасы құйылып, 2022 жылы 90 күнде темірбетон оқпан тұрғызылды. 2023-2024 жылдары магистральдық газ арналарының жаңа учаскесі салынды және қыркүйек айынан бастап № 6, 5 және 3 қазан агрегаттары № 2 жаңа мұржада жұмыс істеуге кезең-кезеңімен қосылуда.

– Үш қазандық агрегатын №2 түтін құбырына ауыстыру келесі жылы №1 түтін мұржасын жөндеуге мүмкіндік береді, – дейді 3-ЖЭО жетекші инженері Сергей Богомолов. – Сонымен бірге электр және жылу энергиясын өндіру және бүкіл индустриялық аймақ шектеусіз энергиямен қамтамасыз ету сақталады.

Сонымен қатар, ел Президентінің энергия тиімділігін арттыру жөніндегі тапсырмасы шеңберінде жаңа түтін мұржасын іске қосу Павлодар 3-ЖЭО жалпы тозуын айтарлықтай азайтып, қазан агрегаттары жұмысының тиімділігін арттырады. Енгізілген жаңа түтін мұржасы оларды жобалық сұлбаға сәйкес пайдалануға және электр станциясын толық тоқтатпай қажетті регламенттік жөндеу жұмыстары мен тексерулер жүргізуге мүмкіндік береді.