Айжан Каңтарбаева ДСП-дан тойбастар қобдишалар, смартфон қоюға арналғантұғыр және басқа да бұйымдар жасаумен айналысады, деп хабарлайды @Pavlodarnews.kz тілшісі.

Шебердің өндірген бұйымдарын көбінде мерекелер мен отбасылық бас қосуда, тойларда тартуға сатып алады.

–     Мен сәндік-қолданбалы өнермен айналысамын, яғни ДСП, фанерадан түрлі қораптар, смартфон ұстаушылар, атаулы кілттер секілді бұйымдар жасаймын. Бұйымдар көбінде салтанатты іс-шараларда, мерейтойларда, үйлену тойларында сұранысқа ие, – деді кәсіпкер.

Қолөнерші өнімдерді биылғы жылдың маусым айынан бастап сатылымға шығарған, қазіргі уақытта тек жеті өнім түрін ғана әзірлепті. Сонда да Айжан басқа да әдемі және пайдалы заттарды орындауға қабілеті жететінін айтып отыр.

–    Өз бизнесін бастағандарға көмектесу үшін «Атамекен» палатасында кәсіпкерлерге қызмет көрсету орталығы жұмыс істейді, – деп еске салады облыстық Кәсіпкерлер палатасының директоры Ерқанат Әбенов.

Орталықта жеке кәсіпкерлікті ашу, есептілікті тапсыру, бизнес-жоспарлар жазу бойынша қолдау жұмыстарын тегін көрсетеді.