Жалынның шығу себебі анықталуда, деп хабарлайды @Pavlodarnews.kz тілшісі.

Бұл туралы облыстық төтенше жағдайлар департаментінің баспасөз қызметі мәлімдеді.

— Павлодар қаласында Бекхожин көшесінде ашық аумақта 4 шаршы метр жердегі жеңіл автокөлік өртенді. Оқиға орнына жедел жеткен төтенше жағдайлар министрлігінің қызметкерлері өртті қысқа мерзімде ауыздықтады, - делінген хабарламада.

Зардап шеккендер жоқ. Өрттің шығу себебі анықталуда.

Төтеншеліктер  көлік иелерін өрт қауіпсіздігі қағидаларын сақтауға және автокөліктердің техникалық жай-күйін уақтылы тексеріп отыруға шақырады.