Бұл туралы облыстық полиция департаменті мәлімдеді, деп хабарлайды @Pavlodarnews.kz тілшісі.

20 желтоқсан күні сағат 17:00-де Павлодар қаласында басты жаңа жылдық шыршасының шамдары жағылады.

Іс-шара барысында қоғамдық тәртіп пен жол қозғалысы қауіпсіздігін қамтамасыз ету үшін полиция қызметкерлері күшейтілген режимде қызмет атқарады.

Осыған байланысты сағат 16:00-ден 22:00-ге дейін қаладағы бірқатар көшелерде көлік қозғалысы уақытша шектеледі. Атап айтқанда:

• Лермонтов көшесі – Академик Сәтбаев көшесі;
• Лермонтов көшесі – Астана көшесі;
• Естай көшесі – Астана көшесі;
• Естай көшесі – Академик Сәтбаев көшесі;
• Академик Бектұров көшесі – Кривенко көшесі;
• Академик Бектұров көшесі – Қайырбаев көшесі.

Полиция департаменті қала тұрғындары мен қонақтарын уақытша қолайсыздықтарға түсіністікпен қарап, қозғалыс бағытын алдын ала жоспарлауға және қоғамдық тәртіпті сақтауға шақырады.