Жөндеу жұмыстарына байланысты Мақатаев көшесінің бір бөлігі екі күнге жабылады, деп хабарлайды @Pavlodarnews.kz тілшісі.

Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің мәліметінше, 31 шілде мен 1 тамыз аралығында Мақатаев көшесінің Бекхожин көшесінен Нұркин көшесіне дейінгі бөлігінде көлік қозғалысына уақытша шектеу қойылады.

Жөндеу жұмыстары екі күн бойы сағат 8:00-ден 20:00-ге дейін жүргізіледі.

Осыған байланысты №003, №1Э, №31, №53 және №55 автобус бағыттарының қозғалыс сызбаларына уақытша өзгерістер енгізіледі.

№003 және №31 автобустары жөндеу учаскесін Мәшһүр Жүсіп – Генерал Бәкіров – Бекхожин – Майра көшелері арқылы айналып өтеді.

№1Э бағыты Академик Сәтбаев, Ткачев, Майра, Бекхожин, Теплов және Мәшһүр Жүсіп көшелері арқылы уақытша бағытпен қатынайды. «Дачный» шағынауданынан қатынайтын автобустар үшін де айналма қозғалыс ұйымдастырылады.

Қалған өзгерістер №53 және №55 автобус бағыттарына да қатысты енгізіледі.

Қалалық бөлім тұрғындардан жол жүру бағытын алдын ала жоспарлауды сұрайды.