Желдің жылдамдығы секундына 7–12 метрге жетеді,  деп хабарлайды @Pavlodarnews.kz тілшісі.

«Қазгидромет» РМК мамандарының мәліметінше, облыста түнде ауа температурасы 0…+5 градус аралығында, солтүстік аудандарда -3 градусқа дейін төмендейді.

Күндіз ауа температурасы +2…+7 градус шамасында болады. Облыстың оңтүстігі мен шығысында аздаған жаңбыр мен қар аралас жауын-шашын күтіледі. Сонымен қатар, өңірдің батысында, оңтүстігінде және орталығында тұман түсуі мүмкін. 

Павлодар қаласында түнде ауа температурасы 0…+2 градус шамасында болса, күндіз +4…+6 градусқа дейін көтеріледі. Күн бұлтты болады. Таңертең жаңбыр жаууы ықтимал.