Өрт сөндірушілер оттың ғимаратқа таралуына жол бермеді, деп хабарлайды @Pavlodarnews.kz тілшісі.

Павлодарда Бектұров көшесінде бизнес орталығының жертөлесі өртенді. 20 адам ғимараттан өз бетінше эвакуацияланды. 

– Шақыруға келген өрт сөндірушілер бірден жалпы алаңы 25 шаршы метр жертөледе жанып жатқан жиһаздар мен терезелерді сөндіруге кірісіп, сағат 14:54-те өртті оқшаулады, – деп хабарлайды төтенше жағдайлар департаментінің баспасөз қызметі.

Өрт 15:10-да толығымен жойылды.

Зардап шеккендер жоқ. Өрттің шығу себебі анықталуда.