Бір жыл ішінде оқушылар 244 медаль жеңіп алған болса, оның 22-і халықаралық деңгейдегі додаларға тиесілі жүлделер, деп хабарлайды  @Pavlodarnews.kz.

Қоғамдық-гуманитарлық бағыттағы пәндер бойынша республикалық олимпиаданың қорытындысы бойынша облыстық оқушылар командасы бірінші орынға ие болды. Олар "Үздік олимпиадалыз команда - 2023" атанып, арнайы сертификатпен марапатталды.

– Еліміздің жетістіктері –азаматтардың жетістіктері. Біздің өңірде талантты жастар көп, - деп атап өтті облыс әкімінің орынбасары Серік Батырғожинов. - Жастар адал еңбекті бағалап, рухы мықты болуы керек. Республикалық олимпиадаға қатысу әрқайсыңыз үшін үлкен жауапкершілік. Өзіңізді белгілі бір салада жүзеге асыруға деген ұмтылыс сізге қоғамның сұранысына ие болуға мүмкіндік беретініне және сіздің табысыңыз елдің әл-ауқатын арттыруға ықпал ететініне сенімдімін.

Он бірінші сынып оқушысы Марк Клименко болашақта азаматтық авиацияның әуе кемелерін салуды армандайды. Жоғары сынып оқушысы математика, физика, биология пәндері бойынша олимпиадалардың жеңімпазы.  

- Мен өз өмірімді авиациямен байланыстыруды жоспарлап отырмын. Қазіргі таңда маған Ресейдің және Қазақстанның түрлі университеттерінен шақыртулар келген. Оның ішінде Алматыдағы Қазақ-Британ университетінің грантын ұтып алдым. Оқуды бітіргеннен кейін Қазақстанға оралып, мұнда авиация өнеркәсібін дамытуға тырысамын. 

Маркқа ұшақтар ұнайды және ол Қазақстанда отандық авиалайнердің, өндірістердің, түрлі авиациялық зауыттардың, жергілікті ғалымдар мен инженерлер жұмыс істейтін конструкторлық бюролардың болуын қалайды. 

Дарынды балаларға арналған №3 гимназияның оқушысы Амира Әмірқұлова француз тілі бойынша көптеген жетістікке жетті. Ол 2024 жылы француз тілінде оқытатын мектептер ашылатынын ескерді. 

- Мен 7-сыныптан бастап облыстық олимпиадаларға қатысамын. Осылайша мен өткен жылы республикалық долимпиадаға қатысып, екінші орын алдым. Биыл 10-сыныпта француз тілінен бірінші орын алды, - деді Амира. - Менің ойымша, француз тілі әмбебап, ол әрқашан сұранысқа ие болады. 

Айта кетелік, салтанатты шарада 35 жас облыс әкімінің атынан алғыс хаттармен және ақшалай сертификаттармен марапатталды.