Дебюттік көрмені 15 қаңтарда сағат 16:00-де облыстық кітапхананың «Айна» галереясынан тамашалауға болады, деп хабарлайды @Pavlodarnews.kz.

Балалар көркемсурет мектебінің мұғалімі Айдана Мерғалиева мен балалар көркемсурет мектебінің оқушысы Ясмина Леваднаяның «Мұғалімнен – оқушыға» атты жобасы аясында «Атамекен» бірлескен дебюттік көрмесінің ашылуы өтеді.

Көрмеге пейзаж, портрет, натюрморт, тақырыптық композиция жанрында жасалған 30-ға жуық туынды қойылады. Жұмыстар Отанға деген жылулық пен шынайылыққа толы терең мағыналы, мақтаныш көзі ретіндегі жан-жақты көзқарасты ашады.