Құжаттың мақсаты – азаматтардың құқықтық хабардарлығын арттыру және құқық бұзушылықтардың алдын алу, деп хабарлайды  @Pavlodarnews.kz тілшісі.  

Облыс прокуратурасы мен Павлодар қаласының трамвай басқармасы арасында «Заң мен тәртіп» тұжырымдамасын іске асыру мақсатында ынтымақтастық туралы меморандумға қол қойылды. 

– Бұл жұмыс алаяқтық пен есірткі қылмысының алдын алуға бағытталған. Облыс орталығының 10 трамвайында аудио  және бейнероликтер трансляцияланады, – деп жазылған хабарламада. 

Аудиовизуалды материалдарды көрсету халыққа маңызды құқықтық ақпаратты жеткізуге және құқыққа қарсы қызметке тарту қаупін азайтуға мүмкіндік береді. Бұл бағыттағы жұмыс жүйелі негізде жүргізіледі.