Аталмыш байқау ҚР Тіл саясатын дамытудың 2023-2029 жылдарға жылдарға арналған Тұжырымдамасы шеңберінде ұйымдастырылады, деп хабарлайды @Pavlodarnews.kz тілшісі.

Қалалық мәдениет және тілдерді дамыту бөлімі баспасөз қызметінің мәліметінше, 16 мамыр күні сағат 15:00-де «Колос» балалар мәдени ойын-сауық орталығында (Астана көшесі, 156) «Мақсұтым – тіл ұстартып, өнер шашпақ» атты қалалық «Абай оқулары» көркемсөз оқу байқауы жоспарлануда. Байқауға 18-30 жас аралығындағы жастар қатысады. 

Байқаудың финалдық турына өткен өнерпаздар үш кезеңнен тұратын тапсырмаларды орындайтын болады:

• 1 кезең – Абай өлеңдерін жатқа оқу (1 өлеңді толық оқу);
• 2 кезең – Абайдың қарасөзін мәнерлеп оқу (1 қарасөз толық болуы тиіс);
• 3 кезең – Абайдың әндерін орындау.

Қазылар алқасының шешімі бойынша жеңімпаздарға Бас жүлде, 1,2,3 жүлделі орындар тағайындалып, дипломдар мен бағалы сыйлықтар тапсырылады.

Қалған қатысушыларға ынталандыру сыйлықтар табыс етіледі.

Қосымша ақпарат алу үшін +7(7182)65-23-63, +7(705)866-64-79 нөмірлеріне хабарласуға болады.