Жергілікті «Эльпида» этномәдени бірлестігі 25 жылдық мерейтойын атап өтті. Мерейтойға орай концерттер мен кездесулер ұйымдастырылды, деп хабарлайды @Pavlodarnews.kz тілшісі.

Грекия ЭМҰ төрағасы Людмила Ифандопулоның айтуынша, «Эльпида» ұйымына Павлодар облысының 520 тұрғыны кіреді.

– Мерекемізге Қазақстан грек қоғамдары республикалық қауымдастығының президенті Иван Грузиади және менің әріптестерім, Алматы, Алматы облыстары, Шымкент, Тараз, Атырау, Теміртау облыстарынан төрағалар келді, – дейді Людмила Ифандопуло.

Оның айтуынша, гректердің негізгі бөлігі Қазақстанға 1942 жылы Краснодар мен Солтүстік Кавказдан жер аударылған кезде қоныс тепкен. Бірақ жылдар өтсе де қазақ даласынан жаңа қоныс тапқан олар қайтып оралуға ниет білдіре қоймаған.

Анастасия Тайлахиди Атыраудан келген. Жергілікті «Эллада» бірлестігі де ағайындарын мерекемен құттықтауға асыққан.

– Гректердің аға буыны сиреп жатқан соң байланыс үзе бастадық, бірақ Павлодарға келгенде әріптестеріміздің жетістіктерін көріп, шабыт алдық, – деп бойжеткен ағынан жарылды. –  Павлодарлықтар атқаратын іс – үлкен жұмыс, көп уақытты, күш пен күш-жігерді қажет етеді. Олар тамаша адамдар, біз олардан үлгі алуымыз керек.

«Эльпида» бірлестігінің белсенді қатысушылары дәстүрлі түрде Алғыс хаттармен және грамоталармен марапатталды.