Республикалық деңгейдегі сайысқа 15 адам қатысты, деп хабарлайды @Pavlodarnews.kz тілшісі.

Облыстық ақпарат және қоғамдық даму басқармасының мәліметінше, ведомствоның қолдауымен «Qaz Stand Up» фестивалі өтті. Әзіл додасына әр аймақтан жалпы саны 15 қатысушы бақ сынап, сайыс республикалық деңгейде ұйымдастырылды.

–    Сайысқа өңіріміздің қатысушыларынан басқа Шымкент, Талдықорған, Тараз, Семей, Қызылорда қалаларынан үміткерлер қатысты, – деді ұйымдастырушылар.

Байқауға облыстық ақпарат және қоғамдық даму басқармасының бас маманы Айнагүл Жылқыбекова, өңіріміздің жайдарман лигасының төрағасы Олжас Коңыратбаев, Ә. Марғұлан университетінің филармония директоры Абзал Абдуллаев, облыстық «Ertis» телеарнасының тілшісі Байтұрсын Жұмабай қазылық етті.

Айта кетейік, Ертіс-Баян өлкесінде жастардың сахна шеберлігін және өнерін насихаттау мақсатында қазақ тіліндегі «Qaz Stand Up» жобасы жыл сайын ұйымдастырылады. Оған қатысушылардың саны да үздіксіз көбеюде.

Әділқазы алқасының шешімі бойынша 7 үміткер финалға жолдама алды.