«Павлодар жылу желілері» ЖШС мамандары қаладағы көпқабатты үйлерге ыстық су беруді қалпына келтіру жұмыстарын жүргізуде, деп хабарлайды @Pavlodarnews.kz тілшісі.

«ПАВЛОДАРЭНЕРГО» АҚ баспасөз қызметінің мәліметінше, қаланың оңтүстік желі аймағындағы жөндеу жұмыстарынан кейін жылу желілерін сынақтан өткізу аяқталды.

– Сынақ қорытындысы бойынша мамандар 83 зақымдануды анықтады. Оның 14-і магистральдық жылу желілерінде және 69-ы орамішілік желілерде. Магистральдық жылу желілерінің зақымдалуына байланысты 202 көпқабатты тұрғын үйде ыстық су жоқ, орамішілік жылу желілерінің зақымдануына байланысты 181 үй ыстық сусыз отыр. Желіде 367 үй зерттеліп, толтырылуда, – делінген хабарламада.

Барлық анықталған ақауларды жоюға бір айлық мерзім белгіленді.

Естеріңізге сала кетейік, 5-11 тамыз аралығында «ПАВЛОДАРЭНЕРГО» АҚ ЖЭО-2 және ЖЭО-3-тен қуат алатын Солтүстік желілік аудан бойынша жөндеуден кейін жылу желілерінің беріктігі мен тығыздығына гидравликалық сынақтар жүргізілуде.