Мамандардың пікірінше, мектептерде көмек кезең-кезеңімен ұйымдастырылуы керек, деп хабарлайды @Pavlodarnews.kz тілшісі.

Павлодарлық полицейлер мен мұғалімдер білім беру мекемелерінде қорлаудың алдын алу жолдарын талдады. 

– Мектеп ортасында буллингтің алдын алу – бұл көмек көрсетуді кезең-кезеңімен ұйымдастыру. Бұл тұлғааралық қарым-қатынас кедергілерін жою, коммуникативтік дағдыларды дамыту, мектеп ұжымының топтық бірлігін арттыру, – деді №39 мектеп басшысының тәрбие жұмысы жөніндегі орынбасары Шынар Жанғазина. 

Оның пікірінше, буллинг туралы білген ата-аналар немесе тәрбиешілер араласып, балаларға көмектесуі керек.

– Егер сіз баланың үйде қалуға себеп іздей бастағанын, жабыла бастағанын, заттарын жасыра бастағанын, жиі ауыра бастағанын байқасаңыз – шыдамды болыңыз және балаңызды әңгімеге тартуға тырысыңыз, – деп кеңес береді №39 мектептің психологы Максим Постоялко. 

– Сіз әке мен ананың әрқашан сенімді тірек екенін, бұл қауіпсіздік аралы екенін жеткізуіңіз керек, сіздің сабырлы реакцияңыз бәрін түзетуге болатындығын білдіруі мүмкін.

Мамандар мектептегі қорлауды жай қалдыруға болмайтынына сенімді.

– Күнделікті өмірде зұлымдықпен, қатыгездікпен және агрессиямен бетпе-бет келуден аулақ болу өте қиын. Бала «жоқ» деп айтуды үйренуі керек, жолдастарының арандатуы мен айла-шарғысына берілмеуі керек. Ол қиын уақытта туыстарының көмектесетініне және қолдайтынына сенімді болуы керек, – деп түсіндірді ювеналды полиция инспекторы Махаббат Мурсалинова.

Сыныптардағы көңіл-күйді үнемі қадағалап отыру керек, ал профилактикалық жұмыс оқу орны қызметінің ажырамас бөлігі болуы керек.