Алексей Балин балалар көркемсурет мектебінде 20 жылдан астам еңбек етеді, деп хабарлайды @Pavlodarnews.kz тілшісі. 

Суретші ҚР Суретшілер одағының мүшесі. Қосымша білім беру педагогы, мүсін сабақтарын оқытады. Бала кезінен сурет салу мен мүсіндеуге құмар болған және көркемсурет мектебінде білім алған. Сондықтан күйіктас шығармашылық мамандығын таңдаған. Алматыдағы Гоголь атындағы училищені бітірген соң Павлодар күйіктас зауытында жұмыс істеген, кейін көркемсурет мектебіне оқытушы болып орналасқан және бүгінгі күнге дейін осы жерде жұмыс істеп келеді.  

Талантты мүсіншінің жұмыстары елімізден тыс, Ресей мен алыс шет елдерде де танымал. Ол өз әріптестерімен педагогикалық тәжірибесімен куана бөліседі, қалалық, облыстық және республикалық семинарларға қатысады.

– 2020 жылы халықаралық шығармашылық жобаға қатысып, Кипрде бірнеше ай өткізді. Онда көптеген жарқын, түрлі-түсті көркем туындылар жасап, екі дербес көрмесін ұйымдастырды. Мұндай шетелдік тәжірибе суретшінің шығармашылық мүмкіндіктерін одан әрі кеңейтті. Талантты жерлесіміз туралы Кипр газетінде мақала жарияланды. Енді оның 44 жұмысы Кипрдің Никосия қаласындағы қазіргі заманғы өнер мұражайында сақтаулы, – деді балалар көркемсурет мектебінің басшысы Ләйля Мағзамова. 

Сондай-ақ суретшінің жұмыстары Павлодар көркемсурет мұражайында, А. Қастеев атындағы республикалық көркемсурет мұражайында, Қазақстанның, Ресейдің, Германияның дербес жинақтамаларында орын алған. 

Алексей Балин – күйіктас бойынша жетекші маман, талантты мүсінші.  Педагог 2022 жылы «Өрлеу» біліктілікті арттыру ұлттық орталығы ұйымдастырған «Педагогикалық идеялар» облыстық байқауында бірінші орынды жеңіп алып, қала әкімінің сыйлығымен марапатталған.

Педагог балаларға мүсіннің негіздерін үйретеді. Алексей Александровичтің жетекшілігімен мектеп түлектері саз және ермексазбен жұмыс істеудің таңғажайып дағдыларын меңгеріп шығады. 

– Суретшінің жұмыстарында өзіндік  қайталанбас шығармашылық стиль бар. Ол авторды қиялға бай, әзілқой және өмірге терең философиялық көзқарасы бар адам ретінде айқын сипаттайды. Оның жұмыстары таңқалдырарлық және батыл стильмен, кейде құпиялығымен, байсалдылығымен және үндестігімен ерекшеленеді. Саз – оның шығармашылығында қолданатын сүйікті құралы. Суретшінің қыш панносы композициясы мен фактурасы жағынан өте қызықты. Саздан жасалған жұмыстары шеберлікпен орындалған, – дейді мектеп басшысы. 

Оның айтуынша, көптеген адамдар Алексей Балинді достық әзілінің шебері ретінде біледі. 

– Адамды сыртқы келбеті мен мінезінің барлық ерекшеліктерін көрсете отырып, әзілмен бейнелеу өте қиын. Алайда Алексей Александрович адамның бет-әлпеті мен ішкі әлемін нәзік түрде байқай біледі. Суретшінің өмірге жеңіл әзілмен қарауы оның шеберлік әзілдерінде байқалады. Ол көптеген жаңа техникаларды ашуды жалғастыруда. Жаңа техниканың бірі – ылғалды аккрил, – дейді Ләйля Мағзамова.

Суретші Павлодар облыстық Суретшілер одағының «Күміс палитра» гранты (2022 ж.), Н. Нұрмұхаммедов атындағы Павлодар облыстық Суретшілер одағының гранты (2021 ж.), Г.Қаржасов атындағы Павлодар облыстық Суретшілер одағының грант иегері (2020 ж.), «Гүлден, менің Қазақстаным» Кастеев атындағы мемлекеттік музей көрмесіне қатысқаны үшін сертификат (Алматы, 2021ж.), «Мәңгілік шақыру» көрмесіне қатысқаны үшін диплом (Алматы, 2021 ж.), 14-ші Халықаралық Сібір күйіктас фестивалінде бірінші дәрежелі диплом (2016 ж.)  иегері. Суретшінің есебінде 20-дан астам шығармашылық көрме  бар, олардың бесеуі – дербес.