Макеттер байқауында шаһардың 114 оқушысы бақ сынасты, деп хабарлайды @Pavlodarnews.kz тілшісі.  

Білім беру бөлімі «Павлодар дарыны» бос уақытты қамту және балалардың  дарындылығын дамыту орталығының ұйымдастыруымен өткен байқауға жеті бағыт бойынша қаланың 38 мектебінің жетінші-сегізінші сынып оқушылары қатысты.

Сайыста автокөліктің қолданыстағы үлгілерін әзірлеу, ауыл шаруашылығы техникасы мен жабдықтары, су көлігі салаларындағы техникалық конструкция сияқты жобалар ұсынылды. Сонымен қатар, құрылыс, жылу энергетикасын, баламалы энергетика, электр энергетикасын әзірлеу, авиация, авиациялық техниканы әзірлеу, ғарыш және аэроғарыш техникасы салаларындағы жобалар мен модельдер болды. 

– № 14 мектеп оқушыларын құрылған топ ток көзі мен жарық диодтарына қосылған демалыс аймағының этностилінде макет жасады, – деді қалалық  білім беру бөлімінде. – Мекетте электр қуатын үнемдеу, жақсы жарықтандыруды қамтамасыз ету үшін резистордың көмегімен және графиттер арқылы реттеуге болатыны көрсетелді. 

Сонымен қатар, Arduino платформасына негізделген автоматты суару арқылы жаңбыр суын тиімді жинау және пайдалану мүмкіндіктерін зерттей отырып, өсімдіктерді автоматты суару макеті ұсынылды. Оған қоса, НАТО-Gepard-classfrigates кодификациясы бойынша кеменің макетін – 11661 «Гепард» жобасының екінші дәрежелі кеңестік және ресейлік көп мақсатты күзет кемелерінің шағын нұсқасы дайындалды. Кеменің барлық бөлшектері макеттің дәл көшірмесін беру үшін қосымша импровизацияланған материалдарды қолдана отырып, ПВХ-3 мм-ден жасалған.

– Сондай-ақ, ағаштан жасалған материалдарды пайдалана отырып комбайн макеті ұсынылды, – деді білім бөлімінде. – «Қазақстан» зымыранының моделін жасау идеясы физика сабақтарында барынша көп рет қолданылатын – экипажды құтқару жүйесі, отын үшін сығылған ауаны  пайдалану арқылы пайда болды. Сонымен қатар, су тасқыны мен су тасқынының алдын алу үшін құрылыстар құру жобасы ұсынылды.

Байқау қорытындысы бойынша 81 қатысушы жүлделі орындарға ие болды, оның ішінде I орынды  № 2, 14, 18, 21, 41, А. Шамкенов атындағы, Р. Нұртазина атындағы мектептердің 21 оқушысы иеленді. Жеңімпаздар мен жүлдегерлер I, II, III дәрежелі дипломдармен және сертификаттармен марапатталды.