Орташа алғанда, хирургтар мұндай процедураларды аптасына үш рет жасайды, деп хабарлайды @Pavlodarnews.kz тілшісі.

Аденоидтер – жұтқыншақ күмбезіндегі жұтқыншақ бадамша безінің өсіндісі. Көбінесе бұл жағдай үш-жеті жастағы балаларда дамиды. Аденоидтардың мөлшеріне байланысты баланың тыныс алуы қиындай түседі, патология гипоксияға, есту қабілетінің бұзылуына және нашар тістемге әкелуі мүмкін.

– Бадамша бездердің болуы емдеуді немесе хирургиялық араласуды білдірмейді, бірақ бұл органның ұлғаюы қазірдің өзінде дабыл қоңырауы болып саналады, – деп түсіндірді облыстық балалар ауруханасының оториноларингология бөлімінің меңгерушісі Дмитрий Волотко.

Аденоидтары ұлғайған науқастар ауруханаға орташа есеппен аптасына үш рет түседі, ал хирургтар күніне шамамен бес адамға операция жасайды. Органды алып тастау техникалық қиын емес және асқынусыз жүреді. Ота анестезияны қосқанда шамамен бір сағатты алады.

Бадамша безінің ұлғаюының негізгі белгілері – ұйқы кезінде, әсіресе шалқасынан жатып тыныс алудың қысқа уақытқа тоқтауына дейін қорыл, құлақтың бітелуі, жиі құлақ жұқпалары, түнде күшейетін ұзақ жөтел. Жұқпалы және қабыну ауруларының – кеңсірік ауруы (гайморит), тамақ ауруы (ангина), жұтқыншақтың қабынуы (фарингит), трахеиттің қайталануы да жиі кездеседі.

– Менің қызымның тамағы үнемі ауырды – бір қыста алты рет. Кеше оған ота жасалды. Процедура сәтті өтті. Бүгін отадан кейінгі екінші күн, менің қызым бес жылдан кейін бірінші рет мұрынмен тыныс алуда. Аналарға ота жасаудан қорықпауға кеңес бергім келеді, өйткені аденоидтар баланың толыққанды өмір сүруіне кедергі жасайды, – дейді науқастың анасы Кристина Казьмирук.

Отоларингологтың айтуынша, ковидтен кейін жұтқыншақ қуыстары ауыратын балалардың саны артқан.

– Жыл басынан бері 340-қа жуық науқасты емдедік, оның 300-ге жуығына ота жасалды. Оталардың көпшілігі лимфа сақинасымен байланысты, оның ішінде таңдай бадамшасының гипертрофиясы, аденоидтардың гипертрофиясы және созылмалы тонзиллит, – деді Дмитрий Волотко.

Дәрігер ЛОР-сұлбасы мен жақ-бет хирургиясы бойынша барлық пациенттерді МӘМС бойынша шұғыл түрде-қабылдау бөлмесі арқылы, сондай-ақ жоспарлы түрде – емдеуге жатқызу бюросының порталы арқылы емдеуге жатқызуға болатынын айтты.