Қатты жарақат алғандар ауруханаға жеткізілді, деп хабарлайды @Pavlodarnews.kz.

26 қарашада түнде «Қызылорда–Павлодар» автожолының 1248 шақырымында жеңіл автомобиль мен жүк көлігі соқтығысты. Жол-көлік оқиғасы салдарынан бірнеше адам жарақат алды. 

– «Шідерті» трассалық медициналық-құтқару пункті шұғыл ден қою бригадасы оқиға орнына жедел келіп, зардап шеккендерді тексерді. Оларға алғашқы көмек көрсетілді. Апаттар медицина орталығының бригадасы екі адамды Екібастұз қалалық ауруханасына жеткізді, – деді облыстық ТЖД баспасөз қызметінде.

Қалған екі зардап шеккен адам оқиға орнында қалды. Оларға көмек қажет болмады.