Аудандық прокуратура Әкімшілік кодекстің жаңартылған нормаларын қолданды, деп хабарлайды @Pavlodarnews.kz.

Олар биылғы жылдың екінші жартысында күшіне енді. Әкімшілік кодекстің «Кәсіпкерлік қызметке заңсыз араласу» туралы 173-бабының жаңа редакциясында жауапты тұлғалар тізбесі кеңейтілді: енді бұл тек мемлекеттік органдар ғана емес, сондай-ақ жергілікті атқарушы органдардың лауазымды тұлғалары, квазимемлекеттік сектор мен табиғи монополиялар субъектілері де кіреді. Баптағы санкциялар сараланған, қайталама құқық бұзушылық үшін де жауапкершілік көзделген.

– Жерді пайдалану құқығын беру бойынша өткізілген конкурсқа жүргізілген заңдылықтың жай-күйіне талдау барысында дауыс беру нәтижелеріне және жеңімпазды анықтауға әсер еткен заңсыз балл қою фактілері анықталды. Белгілі болғандай, анықталған бұзушылықтар конкурс рәсімінің ашықтығына және қатысушылардың құқықтарына тікелей әсер еткен, – деді ҚР Бас прокуратурасында.

Қадағалау органы енгізген ұсынысты қарау нәтижесінде аудан әкімінің қаулысы заңсыз деп танылып, жер қатынастары бөлімінің басшысы ӘҚБтК-нің 173-бабы 1-бөлігі бойынша әкімшілік жауапкершілікке тартылды және оған 100 АЕК көлемінде айыппұл салынды.