Мұндай техника жүргізушілерді тәртіпке салады, деп хабарлайды @Pavlodarnews.kz.

Тамыз айының соңында Железин ауылында бес автоматты радар орнатылды. «Ekinboxspotter Павлодар» жүйесінің сертификатталған аппараттық-бағдарламалық кешендері аудан орталығының қарбалас көшелерінде, көшелер Омбы тас жолына іргелес ауылдың кіреберісі мен шығысында қойылды. 

– Бұл жабдық автомашиналардың қозғалыс жылдамдығын автоматты режимде өлшеуге, құқық бұзушылықтарды тіркеуге, мемлекеттік тіркеу нөмірлік белгілерін тануға және ақпаратты ҚР Бас прокуратурасының әкімшілік өндірістердің бірыңғай тізілімінің дерекқорына одан әрі беруге арналған, онда берешектерді төлеу қажеттілігі туралы нұсқамалар электрондық түрде тіркеледі, – деп түсіндірді аудан әкімдігінде.

Тәртіп сақшылары еске салады – жылдамдықтың шамалы асып кетуі де жол апатына әкелуі мүмкін, өйткені бұл көліктің тежеу қашықтығын арттырады.  Жүргізушілер қозғалыстың басқа қатысушыларына, жаяу жүргіншілерге де қауіп төндіруі әбден мүмкін.