Бұл мутацияның қайдан шыққанын @Pavlodarnews.kz тілшісі анықтады.

Екі жасар Давид Дорофеев полисиндактилия деген аяқ-қолдардың дамуындағы аномалиямен туды. Оның аяғындағы екі саусағын өткен жылдың қараша айында, ал оң қолының екі саусағын осы жылдың мамыр айының басында алып тастаған болатын.

Давидтің әкесі баласының артық саусақтарды алғашында көрген кезде таң қалғанын мойындады.

– Ұлымызға осы мутацияны анасынан, ал анасына оның әкесінен берілді. Әйелімнің атасы мен оның ағаларының да қолдарының дамуында ауытқу болған, сондықтан бұл патология тұқым бойынша қуалады, – деп бөлісті Иван Дорофеев. – Біз артық саусақтарды алып тастауды бірден шештік, өйткені болашақта оны балабақша мен мектепте мазақтауы мүмкін.

Давид алғашқы қадамдарын 11 айда жасады, ал алты айдан кейін бір толыққанды және бір дамымаған саусақ алынып тасталды, сондықтан ол қайтадан жүруді үйренуге мәжбүр болды.

6 мамырда Давид Дорофеевке екінші рет ота жасалды, бірақ осы жолы оң қолға. Барлық оталар Павлодар облыстық балалар ауруханасында өтті. Қолға ота үш кезеңде үш сағатқа созылды: артық саусақтарды кесіп алу, сіңір-бұлшықет құрылымдарын түзетіп, жұмсақ тіндерге пластикалық ота жасаған.

Бүгінгі күні кішкентай науқас жазылды, шығару кезінде шағымдары байқалмады. Келесі ота күзде күтілуде, одан кейін Давид балабақшаға баратын болады.

Травматолог-ортопед Юлия Дюшебаеваның айтуынша, осындай науқастарға оталар аптасына 1-2 рет жасалып тұрады, дегенмен мұндай ауытқулар жиі кездеседі.

– Біз микрохирургиямен айналасқандықтан, кейде қиындықтарға тап боламыз, өйткені мутация тек сыртқы көрініске ғана әсер етпейді. Мұндай патологиялар сүйек, сіңір-бұлшықет өзгерістерін немесе тамырлы аномалияларды жасырады. Мұның бәрі гендік-хромосомалық мутациялармен байланысты туа біткен патологиялар. Полидактилия немесе синдактилия әртүрлі синдромдардың бөлігі болуы мүмкін, – деп түсіндірді дәрігер.

Соңғы кезде мұндай науқастар көбейіп кетті деген болжам бар. Оның себебі хромосомалық өзгерістер, жатырда қаңқаның түзілуіне қатысатын және тұқым қуалаушылық арқылы берілетін геннің мутациясы. Аномалия әртүрлі болуы мүмкін - саусақтардың ғана емес, сонымен қатар аяқ-қолдар деңгейінде, білек, иық, тіпті құйрық өсуі мүмкін.

Дәрігерлер патологиядан мүмкіндігінше тезірек құтылуды ұсынады, өйткені мутация дамиды.

Отаның құны күрделілігіне байланысты. Мысалы, терінің өсіндісін алып тастау – 120-150 мың теңге, ал толық отаның бағасы 729 мың теңге. Бірақ міндетті медициналық сақтандыру аясында бәрі тегін жасалады.

Фото: автор/МСҚ баспасөз қызметі