Олардың ұрысы ауызша жанжалдан басталған, деп хабарлайды @Pavlodarnews.kz тілшісі.

Бұл туралы облыстық полиция департаментінің баспасөз қызметі мәлімдеді. 

- Павлодар қаласында сағат 02:36-да 102 пультіне Астана көшесі, 16 , мекенжайы бойынша төбелес туралы шақыру келіп түсті. Бұл жерге келгеннен кейін екі адам мас күйінде ұсталды. Анықталғандай, ер адамдар арасында ауызша жанжал болып, төбелеске ұласты. Осы азаматтарға қатысты ұсақ бұзақылық бабы бойынша әкімшілік іс қозғалды. Материалды сот қарады, онда бұзушыларға 20 АЕК көлемінде айыппұл салынды, - делінген хабарламада.

Жергілікті полиция қызметінің қызметкерлері қоқысты шығару, қаланы абаттандыру ережелерін бұзу, кәмелетке толмағандардың ересектердің еріп жүруінсіз түнде үйден тыс жерде болуы, ортақ пайдаланылатын орындардың ластануы, спирттік ішімдіктер ішу фактілерін анықтау бойынша жедел-профилактикалық іс-шараларды тұрақты негізде жүргізеді.