ҚР Мемлекеттік хатшысы Ерлан Қарин Президенттің парламенттік реформаны жүзеге асыру процесінде азаматтардың белсенді қатысуының маңыздылығын атап өткеніне тоқталды, деп хабарлайды @Pavlodarnews.kz тілшісі. 

Президенттің тапсырмасы бойынша мемлекеттік e-Otinish платформасында және eGov сервисінде азаматтардың парламенттік жүйені жетілдіру жөніндегі ұсыныстарын жинау басталады.

– Азаматтар «Парламенттік реформа» атты арнайы бөлімге өз ұсыныстарын жолдап, елдің саяси жүйесін жаңғыртуға үлес қоса алады, – деді Ерлан Қарин.

Оның айтуынша, парламенттік реформаны мемлекет пен қоғам арасындағы ашық диалог арқылы іске асыру Мемлекет басшысының «Халық үніне құлақ асатын мемлекет» тұжырымдамасына толық сәйкес келеді.