Депутаттар Песчаное ауылында әлеуметтік маңызы бар құрылыс нысандарына мониторинг жүргізді, деп хабарлайды @Pavlodarnews.kz.

Тереңкөл ауданы мәслихатының төрағасы Рафик Габидуллин «AMANAT» партиясының депутаттық фракциясының мүшесі, Песчаное ауылдық округінің депутаты Павел Мельниковпен бірге ауылдағы әлеуметтік маңызы бар құрылыс нысандарын аралап, тексерді.

– Бүгінгі таңда Песчаное ауылында дене шынықтыру-сауықтыру кешенінің құрылысы және су құбыры мен су құбыры желілерін күрделі жөндеу жұмыстары жүргізілуде. Мониторинг барысында делегация нысандарды аралап, жұмыс барысымен танысты, мердігер ұйым өкілдерімен және құрылысшылармен кездесті, – деді облыстық «AMANAT» партиясы Тереңкөл аудандық филиалында.

Мониторинг қорытындысы бойынша құрылыс пен жөндеу жұмыстарының сапасын арттыруға бағытталған ескертулер мен ұсыныстар енгізілген хаттама толтырылды.

Еске сала кетейік, Песчаное ауылындағы №2 мектебіне 65 миллион теңгеге күрделі жөндеу жүріп жатыр. Ал балабақшаның жөндеуіне 273 миллион теңге бөлінді, сондай-ақ, 611 миллион теңге сомасына дене-шынықтыру сауықтыру кешені салынып жатыр. Оған қоса, көшелеріне жарық шамдарын орнатып жатырмыз, осы мақсатқа 100 миллион теңге бөлінді.