Нысан 1971 жылы салынған, деп хабарлайды @Pavlodarnews.kz тілшісі

Медициналық мекемеде 72 мыңнан астам адамға қызмет көрсетіледі. Ақсу қалалық ауруханасының бас дәрігері Қайырлы Сартайұлы облыстық денсаулық сақтау басқармасының басшысы Иран Шаметековке медицина саласын дамытудың ағымдағы көрсеткіштерімен және жоспарларымен таныстырды.   

Өткен жылы аурухана 500 миллион теңгеден астам құрал-жабдықтар сатып алған. Бүгінгі таңда жабдықталу деңгейі 93 пайызды құрап отыр. 1971 жылы салынған ғимарат жаңғырту жұмыстарын қажет етеді – жұмыс істейтін блокты кеңейту, шатырды ауыстыру, перзентхана мен отбасылық денсаулық орталығын жөндеу, аумақты абаттандыру және жабық галерея салуды қамтитын ауқымды қайта құру жоспарланған.

Иран Шаметеков сапар соңында ұжыммен кездесу өткізді. Бұған дейін басқармаға Ақсу қалалық ауруханасының медбикелерінің жалақысын көтеруге қатысты өтініш түскен. 

– Әкімшіліктің шешімімен және аурухананың оң қаржылық көрсеткіштеріне байланысты ағымдағы жылдың қаңтар айынан бастап медициналық емес қызметкерлердің жалақысы көтерілді. Осы айда жұмысшылардың бұл санаты қайта есептеуді ескере отырып,  үстеме жалақы алады, – дейді облыстық денсаулық сақтау басқармасының басшысы.

Сондай-ақ, ол бүгінде мекеменің дамуына сүбелі үлес қосып жүрген бас дәрігердің жұмысына оң баға берді.