Ақсулық спортшы Польшада гір көтеруден қола алды
![Ақсулық спортшы Польшада гір көтеруден қола алды](https://images.pexels.com/photos/4164843/pexels-photo-4164843.jpeg?auto=compress&cs=tinysrgb&w=1260&h=750&dpr=1)
Ол Украина мен Германия елдеріне есесін жіберді, деп хабарлайды @Pavlodarnews.kz.
Облыстық дене шынықтыру және спорт басқармасының мәліметінше, Польшаның Жешув қаласында гір спортынан әлем чемпионаты өтті. Оған әлемнің 32 елінен 500-ден астам спортшы қатысты. Қазақстанның намысын Ақсу қаласының спортшысы Нұртас Жүнісов қорғады.
Ол 32 кг гір салмағымен кәсіпқой ерлер арасында 68 кг дейінгі салмақ дәрежесінде қоссайыстан (серпу+жұлқи көтеру) өнер көрсетті. Нәтижесінде Украина мен Германия спортшыларына есе жіберіп, Қазақстан құрамасының еншісіне қола медаль жеңіп алды.