Кадеттер мен жастар арасындағы Павлодар облыстық чемпионатына 250-ге жуық спортшы жиналды, деп хабарлайды @Pavlodarnews.kz.

Чемпионат облыс құрамасын жасақтаудағы, сондай-ақ бокстың жастар деңгейінен ересектер деңгейіне өтудегі маңызды кезең болды. Ұйымдастырушылар жекпе-жектің жоғары деңгейін атап өтті және одан әрі өсу үшін қиындықтарды көреді.

Турнирге өңірімізідң түкпір-түкпірлерінен былғары қолғап шеберлерін жинады: кадеттер санатында 164 кадет қатысса, жастар сынында 80 жігіт күш сынасты. Қатысушылар үшін жарыс күрделі сынақ болды, өйткені олардың облыс құрамасына шығу мүмкіндігі дәл осы жерде шешілді.

Облыстық бокс федерациясының атқарушы директоры Азамат Мақажанов турнирдің нәтижесі оң болғанымен, әлі де атқарылатын жұмыстар бар екенін баса айтты.

- Облыс біріншілігінің өткізілуіне «төрт» деген баға бере аламыз. Барлығы жақсы болды: бізде ринг, жаттығу залы бар, қатысушылардың саны да қанағаттанарлық болды. Бұл жерде ең бастысы, жекпе-жектердің сапасы. Кадеттен жастар санатына көшу ұлдар үшін қиын: кадеттердежекпе-жектер үш екі минуттық раунд болса, мұнда үш минуттан үш раунд. Бұл қиынырақ, сондықтан спортшылар бейімделуі керек. Сондықтан біз әр жас тобы бойынша жаттықтырушылармен бірге талдау жүргізіп, қай салмақ дәрежесінде қиындықтар бар, нені жақсарту қажет екенін анықтаймыз, - деп атап өтті Азамат Мақажанов.

Турнир қорытындысы бойынша жеңімпаздар Павлодар облысының құрамасына енді, олар Қазақстан чемпионатына дайындалады. Жас боксшылар үшін бұл – ұлттық деңгейде өзін көрсетуге және еліміздің ең мықты спортшылары арасында өз орнын нығайтуға жақсы мүмкіндік.