Мерекелік алаңдар балаларды қуантты, деп хабарлайды @Pavlodarnews.kz тілшісі.

Ақсуда ERG денсаулық фестивалі өтті, ол «Евразиялық энергетикалық корпорация» АҚ және «ERG service» ЖШС қызметкерлері үшін ұйымдастырылды. Бұл қала тұрғындары үшін шын мәнінде маңызды оқиғаға айналды, себебі мерекенің бағдарламасы отбасымен белсенді демалысқа бағытталған мазмұнды және әртүрлі болды.

Фестивальді ашқан «ЕЭК» АҚ электростанциясы бойынша персонал және мәдениет жөніндегі жетекші Айдос Адай бұл іс-шараның дәстүрге айналғанын айтты.

– Қатысушылар өте көп, себебі бұл екі кәсіпорынның ұжымдары. Біз үшін ең үлкен мадақ – балаларға қуаныш сыйлау. Әдеттегідей, фестиваль көптеген алаңдарды ұсынады, аниматорлар балалармен ойнайды. Біздің мақсатымыз – қызметкерлер мен олардың отбасыларын біріктіру. Мұнда жұмыстан бос уақытта олар достасып, демалуға мүмкіндігі болады, бұл қызметкерлердің жұмысқа деген нәтижелілігін арттыруға септігін тигізеді. Ал біз үшін әлеуметтік жауапкершілігі бар кәсіпорын ретінде бұл - ең бастысы, – дейді Айдос Адай.

Мерекелік бағдарламаны «Жол ЕРЖАСАР» веложарысы ашты, ол ERG компаниясының өз командасымен бірге алға жылжып келе жатқанын көрсететін символға айналды. Жарысқа қатысушылар қатарында қызметкерлер мен олардың отбасы мүшелері болды.

Велосипедшілер екі шақырымды жүріп өтті: Набережнаядан Қамзин көшесіне, Жолтоқсанға бұрылып, Әуезов көшесі арқылы қайтадан Набережнаяға оралды.

Орталық алаңда қонақтарды Дэдпул, Бэтмен, Чудо-әйел костюмдеріндегі аниматорлар қарсы алды. Фитнес жетекшілері қатысушыларға белсенді жаттығулар өткізді.

Аниматорлар балаларды «Сиқырлы орманды құтқар!» ойынымен қызықтырды. Екі жастан бастап балаларға көңілді интерактивті спектакль көрсетілді. Кішкентай көрермендермен бірге қуыршақтар қызықты сынақтардан өтті. Балалар жұмбақтарды шешіп, өзара көмек көрсетуді үйренді.

Ең танымал шаралардың бірі лазертаг болды, онда жас қатысушылар нағыз шайқастардың батырлары сияқты кедергілерді еңсере отырып, қауіпсіз әрі қызықты ойында жеңіске ұмтылды.

«Еуразиялық энергетикалық корпорациясы» АҚ қызметкері Ирина Семенова отбасымен бірге мерекеге келіп, веложарысқа қатысты.

– Эмоциялар жоғары деңгейде. Балаларға арналған осындай мереке ұйымдастырғандарына өте қуаныштымыз. Қызым таңғы бестен бастап ұйықтамады, фестивальге қашан баратынымызды күтті. Тамақтар өте дәмді, балалар бақытты, – деп бөлісті Ирина.

Шығармашылықты сүйетіндер үшін шоперлерді бояу және гипс фигураларын, кәдесый қораптарын бояу бойынша шеберлік сағаттары ұйымдастырылды. Сонымен қатар, үлкендер мен балалар ағаш бұйымдарын безендіріп, бірегей сувенирлер жасады.

Сабын көпіршіктері кішкентай көрермендердің назарын аудара отырып, ғажайып көңіл-күй сыйлады. Ерекше аквагрим аймағы ұйымдастырылып, үлкендер мен балалар өздерінің сүйікті кейіпкерлеріне айналып, беттерінде жарқын және креативті суреттер арқылы өз-өзін көрсете алды.

Орталық алаңда «ЕЭК» АҚ қызметкері Данил Клинк барлық қалаушыларға «ERG Батырлары» атты өзінің жасаған комиксін таратты. А4 форматында жарық түспен боялған кітапша демалушылардың назарын бірден алды.

– Комикс жасау идеясы балаларыма менің жұмысым қандай көрсеткім келгеннен себептен келді, – деп күліп айтты Данил. – Біз өз жұмысымызды комикс форматында көрсетуді шештік, сондықтан балаларымыз қызығушылық танытты. Жобаны жасауға маған Алтынай Ибраева, Қамбар Мұқашев және Наталья Карпова көмектесті.

Белсенді жаттығулар мен шығармашылық шеберлік сыныптарынан кейін қонақтарды дәмді тағамдар күтіп тұрды. Веналық вафли, қант шырыны мен басқа да тәттілер күліп, қуану үшін энергия сыйлады. Сондай-ақ, барлық қатысушыларға пайдалы сыйлықтар ұтыс ойыны ұйымдастырылды. Негізгі сыйлық велосипед болды – денсаулық пен белсенді өмір салтының символы. Екі велосипед бірден ұтысқа түсті.

– Жазғы денсаулық фестивалінің ұйымдастырушыларына үлкен алғысымды білдіргім келеді! Менің ұлым велосипед ұтып алды, оның қуанышы шексіз. Ұлым – 14 жаста, аты – Әлихан, дәл осы жазда жаңа велосипед алуымды сұрады. Міне, оның арманы орындалды, мұндай сәттер ұзақ уақыт есімізде қалады. ERG Service компаниясы тек қызметкерлеріне ғана емес, біздің отбасыларымызға да мерекелер ұйымдастырып, қуаныш сыйлайды. Керемет атмосфера мен эмоциялар үшін рахмет, – дейді Павлодар қаласындағы ERG Service жөндеу басқармасының слесарьы Айболат Блялов.

Екінші велосипедті Ақсу электр станциясының қызметкері Игорь Вишняков ұтып алды.

Қалған сыйлықтар арасында фитнес-гаджеттер, экологиялық тауарлар және басқа да денсаулықты сақтау үшін қажетті керек-жарақтар болды.

ERG компаниясының денсаулық фестивалі Ақсуда жарқын оқиғаға айналып, отбасыларды қуаныш пен шығармашылық атмосферасында біріктірді.

Фото: ERG компаниясы

Серіктес материал