Бұл туралы аудан әкімі Қаршыға Арынов өзінің «Instagram» парақшасында мәлімдеді, деп хабарлайды @Pavlodarnews.kz тілшісі.

Конкурс нәтижелері бойынша және меритократия қағидаттарына сәйкес Елухан Ергебаев аудан әкімі аппаратының басшысы лауазымына тағайындалды.

– Елухан Саматұлы – мемлекеттік қызметте тәжірибесі бар жоғары білікті маман. Екі жоғары білімі бар. Еңбек жолын қаржы полициясы және прокуратура органдарында бастады, аппарат басшысы болып тағайындалғанға дейін Павлодар облысы әкімі аппаратының Әдеп жөніндегі уәкілі болып жұмыс істеді, – дейді аудан басшысы.

Жаңа лауазымда Елухан Саматұлы аудан әкімі аппаратының қызметін үйлестіру, күш құрылымдарымен, ауылдық округтермен және бөлімдермен өзара іс-қимыл, нормативтік-құқықтық актілердің дайындалуын бақылау, халықпен кездесулерді ұйымдастыру, сондай-ақ кадр мәселелеріне жетекшілік ететін болады.