Кездесулер барысында тұрғындар қала әкіміне өздерін толғандырған мәселелерді тікелей жеткізе алады, деп хабарлайды @Pavlodarnews.kz тілшісі.

Шаһар басшысы Хасар Хабылбеков қараша айында қалаға қарасты ауылдық округтер, кенттер мен ауылдардың тұрғындарымен кездесулер өткізеді.

Жарияланған кестеге сәйкес, алғашқы кездесу 13 қараша күні сағат 11:00-де Жетекші ауылындағы Мәшһүр Жүсіп көшесі, 15 мекенжайындағы мәдениет үйінде өтеді.

Одан кейін 18 қарашада әкім Атамекен кентінің тұрғындарымен жүздеседі. Кездесу сағат 11:00-де Сарыарқа көшесі, 53/1 мекенжайындағы Жаяу Мұса атындағы мәдениет үйінде ұйымдастырылады.

20 қарашада дәл осы уақытта Кенжекөл ауылындағы Ата Заң алаңы, 3/2 мекенжайында орналасқан мәдениет үйінде тұрғындармен кездесу жоспарланған.

Ал 25 қарашада қала басшысы Павлодар ауылының тұрғындарын қабылдайды. Жиын сағат 11:00-де Мұқан қаған көшесі, 5 мекенжайындағы мәдениет үйінде өтеді.