Ер адам аудандық ауруханада ем қабылдап жатыр, деп хабарлайды @Pavlodarnews.kz тілшісі.

Облыстық денсаулық сақтау басқармасының мәліметінше, ер адамға жабық бассүйек-ми жарақаты, бас миының шайқалуы, бастың желке аймағында және  іш қуысында жарақат анықталды,  бірнеше жері сыдырылған.

–  Науқасты травматолог, хирург, реаниматолог  тексерді. Жалпы жағдайының нашарлауына және ауырсыну синдромына байланысты ер адам шұғыл түрде хирургия бөліміне емделуге жатқызылды, – деді басқармада.

Еске сала кетейік, жардан құлаған ер адам туралы демалушылар хабарлаған. 65 жастағы ер адам 15 метр биіктіктен құлап, жарақат алған және оқиға орнында ес-түссіз жатқан. Құтқарушылар зардап шегушіні зембілмен 200 метр биіктіктен түсіріп, жедел жәрдем қызметкерлеріне тапсырды.